“Байгаль орчны аудитын холбоо”-ны шинэ жилийн баярын үйл ажиллагаа болж өнгөрлөө.
- 26/12/2017
- 0
- Байгаль Орчны Аудитын Холбоо Мэргэжлийн ТББ
Байгаль орчны аудитын холбооны 4 дэх удаагийн шинэ жилийн баярын үйл ажиллагаа 12-р сарын 15-ы үдэш “Bluefin Cuisine d’Art” ресторанд боллоо. Энэ удаагийн баярын үйл ажиллагаанд нийт 40 гаруй аудиторууд хүрэлцэн ирснээс гадна хүндэт зочдоор БОАЖЯ болон “Монгол улсын олборлох салбарын менежментийг бэхжүүлэх” СЕСМИМ төслийн төлөөлөгчид уригдан оролцлоо.
Мөн баяр дээр баяр нэмж БОАЖЯ-ны Байгаль орчны үнэлгээ, аудитын хэлтсийн дарга А. Энхбат оны шилдгүүдийг шагналаа. Байгаль орчны тэргүүний ажилтнаар Байгаль орчны аудитын холбооны удирдах зөвлөлийн дарга Б. Энхбаяр, БОАЖЯ-ны жуух бичгээр Байгаль орчны аудитын холбооны удирдах зөвлөлийн гишүүн Э. Отгонжаргал, “Эконэйшнл” ХХК-ий аудитор Б. Сарангоо нар тус тус шагнууллаа. Шагнал хүртсэн аудиторууддаа баяр хүргэж, цаашдын ажил хөдөлмөрт нь амжилт хүсье.
Байгаль орчны аудитын холбооны шинэ жилийн баярын үйл ажиллагаанд хүрэлцэн ирсэн зочид төлөөлөгчид болон аудиторууддаа талархал илэрхийлэн, нийт байгаль орчны салбарт ажиллагсдадаа шинэ оны баярын мэнд дэвшүүлье.
- 26/12/2017
- 0
- Байгаль Орчны Аудитын Холбоо Мэргэжлийн ТББ