Канадын аудитын холбоотой хамтын ажиллагааны санамж бичиг
- 25/10/2017
- 0
- Байгаль Орчны Аудитын Холбоо Мэргэжлийн ТББ
Монгол болон Канад улсуудын Засгийн газрын хамтын ажиллагааны хүрээнд хэрэгжиж буй “Монгол Улсын олборлох салбарын менежментийг бэхжүүлэх нь - СЕСМИМ” төсөлтэй Байгаль орчны аудитын холбоо 2016 оноос эхлэн идэвхитэй хамтран ажиллаж байна.
Тус төслийн зохион байгуулсан Канад улсын байгаль орчны аудитын туршлага судлах айлчлалын хүрээнд БОАХ нь Канадын аудитын холбоотой (Auditing Association of Canada) хамтран ажиллах санамж бичигт 2017 оны 09 сарын 29 өдөр Канад Улсын Торонто хотноо хоёр талын гүйцэтгэх захирлууд Очирын Алтансүх, Тодд Халл (Todd Hall) нар гарын үсэг зурлаа.
Тус санамж бичиг нь 5 жилийн хугацаанд хүчинтэй бөгөөд байгаль орчны аудитын салбарын төрийн бус байгууллага ижил төрлийн үйл ажиллагаатай гадны байгууллагатай хийж буй хамтын ажиллагааг баталгаажуулсан анхны бичиг баримт гэдгээрээ Монгол улсын байгаль орчны салбарын түүхэнд үлдэх үйл явдал боллоо.
- 25/10/2017
- 0
- Байгаль Орчны Аудитын Холбоо Мэргэжлийн ТББ